Á www.mbl.is í dag er vitnað í Ísal-tíðindi þar sem fram kemur að í Straumsvík verður nú farið í miklar fjárfestingar til þess að auka afköst verksmiðjunnar um 22% (ca. 36.000 tonn)

“Unnið er að því að auka framleiðslu álvers Alcans á Íslandi í Straumsvík í núverandi kerskálum. Er það gert með því að auka rafstrauminn sem fer um hvert ker og með því mun heildarframleiðslan í Straumsvík aukast um 40 þúsund tonn á ári. Þetta er meðal þess sem kemur fram í desemberútgáfu ISAL-tíðinda – fréttabréfs Alcans á Íslandi.

Til þess að af aukinni framleiðslu geti orðið þarf að ráðast í miklar fjárfestingar, að því er segir í pistli Gunnars Guðlaugssonar, framkvæmdastjóra stækkunarsviðs. Meðal annars þarf að bæta við nýrri þurrhreinsistöð og ofni í steypuskála. „Í skautsmiðju og skautskála þarf að ráðast í miklar endurbætur því stækka þarf skautin frá því sem nú er. Með þessum aðgerðum mun framleiðni álversins aukast og mun það því verða samkeppnishæfara en nú er. Samhliða tæknilegum undirbúningi straumhækkunarinnar er unnið að því að tryggja raforku til verkefnisins.” Lesa afganginn af þessari færslu »

Úr Morgunblaðinu, 3. apríl 2007

REYKJANESBRAUT verður að öllum líkindum lögð á nýjum stað framhjá álverinu í Straumsvík þegar brautin verður tvöfölduð, að því er Lúðvík Geirsson, bæjarstjóri í Hafnarfirði, telur. Hann benti á að í aðalskipulagi Hafnarfjarðar væri gert ráð fyrir tilfærslu Reykjanesbrautarinnar, hvað sem liði stækkun álversins, því ný lega brautarinnar félli betur að heildarskipulagi á svæðinu.

Lúðvík sagði að mesti kostnaðurinn við að leggja Reykjanesbraut á nýjum stað myndi felast í tvöföldun vegarins, en ekki í tilfærslunni sem slíkri. “Það liggur allt klárt fyrir vegna tilfærslunnar, búið að tryggja land og hanna gróflega breytingarnar á brautinni. Að öllu óbreyttu munum við leggja áherslu á að brautin verði tvöfölduð í breyttri legu, eins og aðalskipulagið gerir ráð fyrir,” sagði Lúðvík.
Lesa afganginn af þessari færslu »

Sól í Straumi mælir með nýjum myndbúti hjá Þorsteini J um íbúakosningar í Hafnarfirði og aðkomu Alcan að málinu.

Til þess að skoða myndskeiðið smellið þá hér

Sól í Straumi

Undanfarið hefur mikið verið ritað og rætt um fjárhagslegan ábata Hafnarfjarðarbæjar og Hafnfirðinga af stækkun álversins í Straumsvík   Mín skoðun er sú að það þurfi að skoða þetta mál í miklu stærra samhengi, því það er nú einu sinni þannig að við Hafnfirðingar erum líka Íslendingar.  Áframhaldandi  álversvæðing og meðfylgjandi virkjunarframkvæmdir munu hafa áhrif á íslenskt efnahagslíf sem og framtíðar ásýnd íslensks atvinnulífs. Hafnfirðingar verða því að svara nokkrum grundvallarspurningum ekki bara sem Hafnfirðingar heldur sem íslendingar.

Lesa afganginn af þessari færslu »

Samtök um betri byggð lýsa yfir eindreginni andstöðu við fyrirhugaða stækkun álvers ALCAN í Straumsvík.

Samtökin benda á að útblástur frá stækkuðu álveri getur haft verulega neikvæð áhrif á heilsufar íbúa í Hafnarfirði og í öðrum sveitarfélögum á höfuðborgarsvæðinu. 

Samtök um betri byggð telja að álver af þeirri stærð, sem fyrirhuguð er svo nærri byggð á höfuðborgarsvæðinu, sé fullkomin tímaskekkja, sé óheppilegt fyrir ímynd svæðisins og valdi umtalsverðri sjónmengun.  Lesa afganginn af þessari færslu »

Það hefur mikið verið deilt um hugsanlegar tekjur af álverinu í Straumsvík undanfarna daga. Margir bæjarbúar hafa leitað til Sólar í Straumi og beðið um skýringar í þessu flókna máli og vonum við að eftirfarandi skýringar varpi aðeins ljósi á málið.

Á fundi um fjárhagsleg áhrif af stækkun álversins á dögunum varpaði fjármálastjóri bæjarins upp ágætis yfirliti yfir þær tölur sem verið er að nota:

Lesa afganginn af þessari færslu »

Á kynningarfundi Hafnarfjarðarbæjar um skipulagsmál í kvöld ( 21. mars) hélt bæjarstjóri Lúðvík Geirsson langa tölu þar sem hann rakti sögu skipulagsmála í Hafnarfirði.

Fram kom að rétt eftir miðja síðustu öld hafi verið ákveðið að leggja svæðið í kringum og suður af Straumsvík undir þungaiðnað. Fór hann yfir breytingar og samþykktir sem gerðar hafa verið síðan og komst að þeirri niðurstöðu að þar sem “alltaf” hafi verið gert ráð fyrir iðnaðarsvæði þarna, beri að gera ráð fyrir slíku áfram.

Ræða bæjarstjóra sagði semsagt beinum orðum að skipulag væri óumbreytanlegt sem er í hróplegri mótsögn við það sem er að gerast allt í kringum okkur, ekki bara hér heima heldur um alla Evrópu.

Lesa afganginn af þessari færslu »

Það standa öll spjót á Hafnfirðingum þessa dagana. Stækkunarmálið er á allra vörum og fjölmiðlar hafa mikinn áhuga á málinu.  Kjósendur eru erfiðri stöðu og hagsmunaðilar keppast við að kynna hinn stóra sannleik um stækkunarmálið fyrir þeim.

Ég skora á alla að skoða með gagnrýnum augum hvaðan upplýsingar sem bornar eru á borð koma og hvaða hagsmunir búa að baki þeim upplýsingum sem settar eru fram.

Hér er stutt yfirlit yfir málsaðila og þá hagsmuni sem búa að baki:

Hafnarfjarðarbær
Hjá Hafnarfjarðarbæ eru tvennskonar hópar sem koma að þessu máli. Það eru  annarsvegar stjórnmálamenn í starfandi meirihluta sem hafa unnið að stækkunarmálinu árum saman og veitt því brautargengi m.a. með sölu á lóð undir stækkað álver.  Hinn hópurinn eru embættismenn sem vinna undir stjórn fyrrnefnda hópsins. Embættismennirnir reyna að vera hlutlausir og við skulum vona að það takist vel.

Lesa afganginn af þessari færslu »

Framtíð Hafnarfjarðar er í okkar höndum.

Horft yfir Hafnarfjörð úr vesturátt eftir stækkun álversins.

Í Fréttablaðinu 25. janúar síðastliðinn var því haldið fram að mengun frá stækkuðu álveri Alcan í Straumsvík yrði svipuð og fyrir stækkun.  Fréttin virðist byggð á yfirlýsingum bæjaryfirvalda í Hafnarfirði og Alcan eftir að samkomulag hafði náðst um tillögu að deiliskipulagi vegna stækkunar.   Þetta finnst mér merkileg niðurstaða í ljósi þess að losun flestra mengandi efna meira en tvöfaldast eftir fyrirhugaða stækkun Alcan úr 180.000 tonnum í 460.000 tonn.

Lesa afganginn af þessari færslu »