Fyrstu tölur eru væntanlegar upp úr kl 19.00 í kvöld. Kosningavakan hefst kl 18.00.

AKSTUR Á KJÖRSTAÐ Í SÍMA 899 7544

Hagfræðistofnun Háskóla Íslands hefur réttilega reiknað út að hagnaður af þreföldun álversins í Straumsvík umfram vöxt annarrar starfsemi sé um 6-8 þúsund krónur á ári á mann.

Seðlabankinn varaði í gær eindregið við því að ráðast í þessar framkvæmdir vegna neikvæðra áhrifa á efnahagslífið, vextina og verðbólguna sem heimilin í landinu, þ.m.t. Hafnarfirði, eru að kikna undan.
Lesa afganginn af þessari færslu »

Upplýsingaskrifstofa Sólar í Straumi sem hefur aðsetur í Hótel Viking (Fjörukránni) mun vera opin frá 10 til 22 á morgun Laugardaginn 31. mars 2007. Við hvetjum sem flesta til að kíkja til okkar, það verður boðið upp á kaffi og meðlæti.

Fyrstu tölur eru væntanlegar upp úr kl 19.00 um kvöldið. Gaman væri að sem flest okkar séum saman komin á þessum tíma, erum með stóran flatskjá.

AKSTUR Á KJÖRSTAÐ ALLAN DAGINN Í SÍMA 8997544

Hagfræðistofnun Háskóla Islands (HHI) hefur reiknað út að árlegar tekjur Hafnarfjarðar aukist um 200 miljónir verði af stækkun í Straumsvík. Samtök Iðnaðarins (SI) reikna sama dæmi og fá út 10x hærri upphæð. Það fer ekki hjá því að maður velti fyrir sér greind þeirra, sem starfa hjá HHI og hvort SI séu trúverðug.
Lesa afganginn af þessari færslu »

Fram yfir miðja seinustu öld var bágt ástand á ýmsum sviðum íslensks þjóðlífs. Margir voru án vinnu og þeir sem höfðu einhverja vinnu náðu ekki alltaf að fæða sig og klæða. Á þeim tíma tilheyrðum við þriðja heiminum. Við slíkar aðstæður er fólk tilbúið að fórna miklu fyrir trygga atvinnu og auknar tekjur. Þá voru flestir Íslendingar tilbúnir til að reisa síldarverksmiðju eða sementsverksmiðju inni í miðjum bæ ef það mætti verða til þess að bæta hag íbúanna. Á þessum árum fluttist fólk meira að segja til slíkra staða þrátt fyrir þá mengun, óþrif og lýti, sem stóriðju fylgir.
Lesa afganginn af þessari færslu »

Umhverfisnefnd Hafnarfjarðar sem í gegnum tíðina hefur fengið ítarlegar kynningar og fræðslu á mengun og afleiðingum stækkunar álversins bókaði á fundi sínum svo snemma sem 16 júní 2005 þegar deiliskipulagstillaga um stækkunina var til umræðu svohljóðandi bókun:
,,Umhverfisnefnd Staðardagskrá 21 leggst ekki gegn því að tillaga Alcan að deiliskipulagi fyrir stækkun álversins í Straumsvík verði send út til kynningar og umræðu, en nefndin tekur fram að í því felst engin skuldbinding um að styðja stækkunina á síðari stigum málsins. Helst kysi nefndin að öll áform um þessa stækkun yrði lögð til hliðar og telur það þjóna best hagsmunum Hafnfirðinga til lengdar að ekki verði tekið meira land svo nærri íbúðabyggð undir mengandi stóriðju en það sem þegar er búið að ráðstafa til slíkrar starfsemi.”
Lesa afganginn af þessari færslu »

Ofangreind mynd var tekin síðastliðinn þriðjudagsmorgun. Þessi sýnilega loftmengun var þarna yfir í dágóða stund. Líklega eru einhverjar skýringar á því hvers vegna þetta var. En er þetta eitthvað sem kemur til með að minnka þó að mengun aukist ef stækkað verður?

Rifjum aðeins upp helstu mengunartölur:
Lesa afganginn af þessari færslu »

Eyjólfur Árni Rafnsson framkvæmdastjóra HRV ehf. ritar grein í Blaðið í gær 29. mars. Í greininni mærir hann áliðnaðinn og lætur fylgja mynd af “Nútímaálveri”í Sundsvall í Svíþjóð en starfsmenn HRV ehf. eru að vinna að endurbyggingu álversins. Orðrétt segir í skýringatexta við myndina “Þar er verið að breyta gömlu álveri með úreltri tækni í nútímaálver með bestu tækni.”
Lesa afganginn af þessari færslu »

Það er ekki undarlegt að Alcan í Straumsvík reyni að losna við að leggja staðreyndir um aukningu á mengun við stækkun á borðið fyrir Hafnfirðinga. Sú mynd sem reynt er að draga upp af mengunarmálunum er kolröng og alls ekki ætluð til þess að upplýsa Hafnfirðinga. Það er auðvitað einfaldast og heiðarlegast að sýna Hafnfirðingum mengun fyrir stækkun og mengun eftir stækkun á súluriti eða í tölum sem allir skilja. Stefán Georgsson verkfræðingur og Finnbogi Óskarsson efnafræðingur hafa sitt í hvoru lagi sett fram upplýsingar um þetta mál á skýrann og skilmerkilegan hátt sem eru hér samanteknar í einföldu súluriti.

Á þessu línuriti sést mengunaraukningin miðað við grænt bókhald Alcan árið 2005 (grænt) , samkvæmt minnismiða starfshóps um deiliskipulag Hafnarfjarðarbæjar og Alcan (blátt) og samkvæmt starfsleyfi sem gildir til ársins 2020 og stendur ekki til að endurskoða fyrir kosningarnar 31. mars. Á bak við þetta súlurit standa eftirfarandi tölulegar upplýsingar.

Lesa afganginn af þessari færslu »

Kosningarnar á laugardag snúast að mínu mati um miklu meira en skipulag á 52 hektara svæði suður við Staum. Þær snúast um hvers konar samfélag við viljum byggja til framtíðar á Íslandi. Viljum við búa til þekkingarsamfélag sem byggir á hugviti og menntun fólks, eða samfélag sem byggir á stóriðju? Viljum við að ný störf í þekkingarfyrirtækjunum verði til á Íslandi, eða ætlum við að láta þau verða til erlendis?

Okkar er valið á laugardag.
Lesa afganginn af þessari færslu »